GURE ZERBITZUAK

ABAtxikin esku-hartze eraginkorrak eskaintzen ahalegintzen gara, haurren ikaskuntzan lagunduko dutenak. Gure zerbitzu guztiak haurren trebetasunen garapena bultzatzera eta haien ingurunea trebatzera bideratuta daude, prozesu horretan lagun ditzaten.

ORIENTAZIOA

Familiekin elkartzen gara haien beharrak entzuteko eta hauek betetzeko dauden aukeren inguruan orientatzeko. Oso garrantzitsua da haurrentzat eta haien ingurunearentzat garrantzitsuenak diren premiak ezagutzea, funtsezkoak izango baitira lan-helburuak ezartzeko.

EBALUAZIOA

Aurrez antzemandako beharren arabera ebaluatuko dira haurra eta familia. Gure premisa haurrarekiko eta familiekiko esku-hartzeari balioa ematen dioten proba klinikoak edo ABA metodokoak gomendatzea da.

BANAKAKO ESKU-HARTZEA

Gure esku-hartze bakoitza indibidualizatua da, eta haurrak dituen eta eskuratu behar dituen trebetasunetan oinarritzen da. Familia bakoitzari helburuen berri ematen zaio, eta hilero informazioa jasotzen du proposatutako helburuak lortzeko arrakasta-mailari buruz.

ESKU-HARTZEA IKASTETXEAN

Behar izanez gero, ikastetxeko laguntza-langileei prestakuntza emango zaie, haurrari laguntzeko eta esku hartzen laguntzeko.

INGURUNE NATURALEAN ESKU HARTZEA (NET)

Beharrezkoa den kasuetan, esku-hartzeak egingo dira haurraren ingurune naturalean (familia-ingurunea/parkea, etab.), esku-hartzeetan eskuratutako trebetasunak orokortzeko eta ezartzeko.

FAMILIENTZAKO PRESTAKUNTZA

Familientzako prestakuntza gure esku-hartzeen funtsezko zutabea da, eta, beraz, gure haurren terapien parte dira. Familiak esku-hartzeen helburuetan inplikatzen ditugu, eta seme-alabei beren trebetasunak garatzen lagun diezaieten prestatzen ditugu.